പ്രപഞ്ചത്തിലെ സകല ചരാചരങ്ങളെയും കണ്ണി ചേർക്കുന്ന മൗനസാന്ദ്രമായ സംഗീതത്തിന്റെ സൗന്ദര്യാന്വേഷണമാണ് ഷൗക്കത്തിന്റെ ഏക്‌താരയുടെ ഉന്മാദം. ഇതിനെ നടപ്പു സാഹിത്യത്തിന്റെ ഏതെങ്കിലും ശാഖയിലേക്കൊതുക്കാനാവില്ല. അത്രയ്ക്ക് ആഴവും പരപ്പുമുണ്ടിതിന്. എല്ലാ അതിർത്തികളെയും കാലത്തെയും ഇത് മായ്ച്ചുകളയുന്നു; കാലത്തെയും. ലക്ഷ്യമില്ല, വഴികളേയുള്ളു. ഗുരുക്കന്മാരില്ല, ദിശാസൂചകങ്ങൾമാത്രം.

നാരായണഗുരുവും കബീറും താവോയും ലാവോത്സുവും ജിദ്ദുവും സൂഫി ഉപ്പാപ്പയും ഓഷോയും ബാബമാരും അവധൂതന്മാരും യോഗികളും യോഗിനിമാരും മാതാവും പ്രണയിനിയും ഭൗതികദേഹങ്ങൾ കൊഴിഞ്ഞ് മഹാസിംഫണിയുടെ ഭാവങ്ങളായി പല വഴികളിലൂടെ ഒഴുകിയെത്തുന്നു. എവിടെയും തങ്ങിനില്ക്കാതെ പിന്നെയും ഒഴുക്കുകൾ തുടരുന്നു; മഹാസിംഫണിയും.
– കെ. അരവിന്ദാക്ഷൻ

ഷൗക്കത്തിന്റെ ആദ്യ നോവൽ

പ്രമോദ് കുമാർ അതിരകം

ഈ നോവൽ വായിക്കപ്പെടുകയല്ല ചെയ്യുന്നത്. വായിച്ചു തുടങ്ങുമ്പോൾ നമ്മുടെ മുൻപിൽ ഒരു വേദി തെളിയുകയാണ്. ഇതിലെ ഓരോ സന്ദർഭവും നാം കാണുകയാണ്. അത് എഴുത്തുകാരന്റെ കയ്യടക്കത്തിന്റെ മികവാണ്. ഒറ്റയിരിപ്പിന് നാമിതു വായിച്ചു തീർക്കും. എല്ലാ പുഴകളും മൃതിയടയുന്നത് സമുദ്രത്തിലാണല്ലൊ. പക്ഷേ, അത് മൃതിയല്ല ലയമാണെന്നു തിരിച്ചറിയുന്നതാണ് ജീവിതസാക്ഷാത്കാരം. ആ സാക്ഷാത്കാരത്തിലേക്കു ലയിക്കാൻ രചയിതാവ് നമ്മെ ഹിമാലയത്തിന്റെ അഭൗമ സൗന്ദര്യത്തിലേക്കും ധ്യാനത്തിന്റെ ആനന്ദത്തിലേക്കും ആകർഷിക്കുന്നു. അതാണ് കഥാകാരന്റെ ലക്ഷ്യവും; ഈ കൃതിയുടെ ആത്മാവും

– കാ.ഭാ. സുരേന്ദ്രൻ

ടി.പി. രാമചന്ദ്രൻ

പനചെത്തുകാരൻ കോപ്പുവിന്റെ പേരക്കുട്ടിയോടൊപ്പം അവർ ചേറുമ്പ് ഗ്രാമത്തിലൂടെ നടന്നു. അസാധാരണ മിഴിവുള്ള ഏറനാടൻ കഥാപാത്രങ്ങളെ കണ്ടു. അവരുടെ സ്നേഹത്തെ, മാത്സര്യത്തെ, കാമത്തെ, ദാരിദ്യത്തെ പരിധികളില്ലാത്ത
വാത്സല്യപ്രവാഹങ്ങളെ അറിഞ്ഞു…
– ഡോ. ഖദീജ മുംതാംസ്

ഒരു ഏറനാടൻ ദേശത്തിന്റെ കഥയിലൂടെ ഒരു കാലത്തിന്റെ പല ജീവിതങ്ങളുടെ കഥ പറയുന്ന നോവൽ

ഒപ്പം ആർട്ടിസ്റ്റ് സഗീറിന്റെ ജീവൻ തുടിക്കുന്ന ചിത്രങ്ങളും

മൊയ്തു പടിയത്ത്

മൊയ്തു പടിയത്തിന്റെ ഏറെ ചർച്ച ചെയ്യപ്പെട്ട നോവൽ. മുസ്ലിം സമുദായത്തിലെ
അന്ധവിശ്വാസങ്ങളും ദുരാചാരങ്ങളും അസമത്വങ്ങളും പ്രമേയമാക്കിയ രചനകളായിരുന്നു പടിയത്തിന്റേത്. ബഹുഭാര്യത്വം പ്രമേയമായ ഉമ്മ പുറത്തിറങ്ങിയപ്പോൾ
യാഥാസ്ഥിതികരായ പ്രമാണിമാരുടെയും മതപുരോഹിതരുടെയും എതിർപ്പുകൾ നേരിടേണ്ടിവന്നു. നോവലിസിന് ഭ്രഷ്ട് കൽപിച്ചു. 1960ൽ ഉമ്മ ചലച്ചിത്രമായി.

THE CLUE OF THE TWISTED CANDLE

ജനപ്രിയ ഡിറ്റക്ടീവ് കഥകൾ എഴുതുന്ന എഴുത്തുകാരനാണ് ജോൺ ലെക്സാൻ. ആ എഴുത്തുകാരൻറ നടുക്കംകൊള്ളിക്കുന്ന കഥകൾക്കായി വലിയൊരു ജനസമൂഹംതന്നെ കാത്തിരിക്കുന്നുണ്ട്. ശ്വാസം പിടിച്ചുകൊണ്ടായിരുന്നു അവർ ആ കഥയിലെ നിഗൂഢതകളുടെ കുരുക്കുകൾ അഴിച്ചിരുന്നത്.
നല്ല മഴയുള്ള ആ രാത്രിയിൽ, ട്രെയിൻ പാളം തെറ്റിയതുകാരണം സ്വന്തം വീടായ ബെസ്റ്റൺ പ്രിയറിയിലേക്ക് ലെക്‌സ്‌മാൻ മഴ നനഞ്ഞാണ് നടന്നു ചെന്നത്. ഭാര്യ ഗ്രേസ് വല്ലായ്മയോടെ ഒരു അതിഥിയുണ്ടെന്ന് അറിയിച്ചു. ഇങ്ങനെയുള്ള ദിവസം അപ്രതീക്ഷിതമായി വന്ന അതിഥി ആരാണെന്ന ആകാംക്ഷയോടെ അയാൾ സ്വീകരണമുറിയിലേക്ക് ചെന്നു. ജോൺ ലെക്സ്‌മാന്റെയും ഗ്രേസിന്റെയും ജീവിതം മാറ്റിമറിച്ചു ആ രാത്രിയിലെ അതിഥി.
ബ്രിട്ടീഷ് ക്രൈം നോവലിസ്റ്റ് എഡ്ഗാർ വാലസിന്റെ ഏറ്റവും പ്രശസ്തമായ Thc Clue of the Twisted Candle എന്ന പ്രശസ്തമായ കൃതിയുടെ ആദ്യ മലയാള പരിഭാഷ.
ജെയിംസ് ഹാഡ്ലി ചേസിന്റെ ത്രില്ലറുകൾ മലയാളത്തിനു സുപരിചിതമാക്കിയ കെ.കെ. ഭാസ്കരൻ പയ്യന്നൂരിന്റെ പരിഭാഷ.

പ്രമേയം കൊണ്ടും അവതരണരീതികൊണ്ടും മലയാളത്തില്‍ പൂര്‍വമാതൃകയില്ലാത്ത ഉദ്വേഗജനകമായ വായനാനുഭവം നല്‍കുന്ന നോവല്‍

ഹൃദയഭേദകമായ ഒരു കാഴ്ചയായിരുന്നു അച്ഛനെക്കാത്ത് ആ മുറിയിൽ ഉണ്ടായിരുന്നത്. അത്രയും അമൂല്യമായി കരുതി തന്റെ മകനുവേണ്ടി കൊണ്ടുവന്ന പുസ്തകങ്ങൾ ഒരു കട്ടിലിനു താഴെ ആകെ ചിതറിക്കിടക്കുന്നു.
അവയിൽ രണ്ടോ മൂന്നോ എണ്ണം തലയണയായി മാറിയിരിക്കുന്നു. ഇതിനുവേണ്ടിയാണോ ഭുവൻസാബ് തനിക്ക് ഈ പുസ്തകങ്ങളെല്ലാം എടുത്തുതന്നത്? അച്ഛന്റെ ഹൃദയം പിടഞ്ഞു…

ലോകചരിത്രത്തെ മാറ്റിമറിച്ച രണ്ടു മഹായുദ്ധങ്ങളുടെ വിവരങ്ങൾപോലും ഉൾപ്പെട്ടിട്ടില്ലാത്ത, ഒരു നൂറ്റാണ്ടോളം പഴക്കമുള്ള ചിന്തകളും ആശയങ്ങളും നിറഞ്ഞ പഴയൊരു വിജ്ഞാനകോശത്തിന്റെ പന്ത്രണ്ടു വോള്യങ്ങളും വായിച്ചു തീർക്കുക എന്നത് പരമപ്രധാനകർമമായി സ്വീകരിച്ച കൈലാസ് പാട്ടീൽ. സ്വന്തം വലയിൽ കുടുങ്ങിപ്പോയ ഒരെട്ടുകാലിയെപ്പോലെ, ഭൂതകാലത്തിലൊരിടത്ത് ജീവിതത്തെ കുത്തിനിർത്തിയ ആ ജ്ഞാനവൃദ്ധനിലൂടെ മനുഷ്യജീവിതത്തിന്റെ അർഥവും അർഥശൂന്യതയും വ്യാഖ്യാനിക്കുന്ന രചന.

ഇ. സന്തോഷ് കുമാറിന്റെ ഏറ്റവും പുതിയ നോവൽ