കലാപങ്ങളും ചോരചിന്തലുകളും നോവലിന് അന്യമല്ല. സമൂഹത്തിലെ ദുഷിച്ച പ്രവണതകളെയും
പ്രതിലോമശക്തികളെയും തുറന്നുകാട്ടാനും
അപഹസിക്കാനും നമ്മുടെ നോവലിസ്റ്റുകള്‍
ശ്രമിച്ചിട്ടുണ്ട്. തികച്ചും വ്യത്യസ്തമായ ഒരു സമീപനം സ്വീകരിച്ചുകൊണ്ട് സാമൂഹികപ്രശ്‌നങ്ങളെ
ആഴത്തിലും പരപ്പിലും അപഗ്രഥിക്കാനാണ്
കലശം എന്ന നോവലില്‍
യു. എ. ഖാദര്‍ ഉദ്യമിക്കുന്നത്.
– ഡോ. പി.കെ. തിലക്

വിവിധ ജനവിഭാഗങ്ങള്‍ തമ്മില്‍
സൗഹാര്‍ദ്ദത്തോടെയും ഒത്തൊരുമയോടെയും
കഴിഞ്ഞുപോന്ന വടക്കന്‍ മലബാറിലെ
ഒരു ഉള്‍നാടന്‍ ഗ്രാമത്തില്‍ അരങ്ങേറിയ
വര്‍ഗീയകലാപം ജനജീവിതത്തെ
താറുമാറാക്കുന്നതിനെ പ്രമേയമാക്കി എഴുതിയ
ഒരു വ്യത്യസ്ത നോവലിന്റെ പുതിയ പതിപ്പ്.

എസ്.ആർ. ലാൽ

ഹെലികോപ്റ്ററിലെ ഫൈറ്റ് ജയൻ മനസ്സിൽ ചിത്രീകരിച്ചുനോക്കി. ഇംഗ്ലീഷ്, ഹിന്ദി സിനിമകളിലൊക്കെ അത്തരം രംഗങ്ങളുണ്ട്. ഡ്യൂപ്പിന്റെ സഹായമില്ലാതെ ഫൈറ്റ് സീൻ ചെയ്യണം. ഡ്യൂപ്പ് ചെയ്തിട്ട് അതിന്മേൽ
കൈയടി കിട്ടുന്നതിലൊരു കാപട്യമുണ്ട്. സാഹസികതയോടൊപ്പം സഞ്ചരിക്കുമ്പോഴാണ് ജീവിക്കുന്നു എന്ന തോന്നൽ വരിക. ജയൻ കിടക്കയിൽനിന്നും എണീറ്റു. അഭിനയിക്കാനുള്ള രംഗങ്ങൾ അയാളെ ഉത്സാഹഭരിതനാക്കി…

ബെൽബോട്ടം പാൻസിട്ട്, ജാവാബൈക്കിൽ കയറി യാതൊരു തിടുക്കവുമില്ലാതെ വട്ടം ചുറ്റിക്കൊണ്ടിരുന്ന എഴുപതുകളുടെ അന്ത്യത്തിൽ മലയാളസിനിമാലോകത്തുണ്ടായ ജയൻതരംഗത്തിന്റെ പശ്ചാത്തലത്തിൽ ഒരുൾനാടൻ ഗ്രാമജീവിതത്തിന്റെ ചിത്രീകരണം. ജയനോടുമാത്രം പറയാൻ വെച്ച ഒരുഗ്രൻ രഹസ്യവുമായലയുന്ന ജയന്റെ കടുകടുത്ത ഒരാരാധകനും പൂർവമാതൃകകളില്ലാത്ത മറ്റനേകം കഥാപാത്രങ്ങളും പലപല വഴികളിലൂടെ കഥയിലേക്കെത്തിച്ചേർന്ന് ഗൃഹാതുരത നിറഞ്ഞൊരു വിസ്മയലോകം സൃഷ്ടിക്കുന്നു. ഒപ്പം, അടിയന്തരാവസ്ഥയെ പൊരുതിത്തോല്പിക്കാൻ ആയുധങ്ങൾക്കു പകരം വാൾപോസ്റ്ററുകളും മൈദപ്പശയുമായി ഒളിയിടങ്ങളിൽ പതിയിരിക്കുന്ന വിപ്ലവകാരികളുടെ നിഗൂഢനീക്കങ്ങൾ കഥയ്ക്ക് പുതിയൊരു രാഷ്ടീയമാനം നല്കുന്നു.

ഫാക്‌റ്റും ഫിക്ഷനും ഫാന്റസിയും ചേർന്ന് ഒരപൂർവ രചന. എസ്. ആർ. ലാലിന്റെ ഏറ്റവും പുതിയ നോവൽ.

തൊഴിലില്ലായ്മയുടെ അരക്ഷിതാവസ്ഥയില്‍ നിന്നും അരാജകത്വത്തിലേക്ക് വഴുതിവീഴുകയും സ്വപ്‌നവും
യാഥാര്‍ത്ഥ്യവും തിരിച്ചറിയാതെ ജീവിക്കുകയും ചെയ്യുന്ന ഗൗതമന്‍ എന്ന യുവകവിയുടെ ഭ്രമാത്മകമായ ജീവിതം ആവിഷ്‌കരിക്കുന്ന വ്യത്യസ്ഥ നോവല്‍.മാതൃഭൂമി നോവല്‍ മത്സരത്തില്‍ പ്രസിദ്ധീകരണാര്‍ഹമായ കൃതി.

കോട്ടയം പുഷ്പനാഥ്

ഫിനിക്സിന് നാല്പതു മൈൽ കിഴക്കുള്ള സൂപ്പർ സ്റ്റീഷ്യൻ മലകളിലാണ് ഇത് നടന്നത്. അവിടെ പുരാതനമായ നിധിയുണ്ടെന്ന് പലരും വിശ്വസിക്കുന്നു. ‘The Lost Dutchman’s Gold Mine’ എന്നാണ് അതിന്റെ പേര്. 1930 ൽ അഡോൾഫ് റോത്ത് എന്നൊരു വ്യാപാരി ഈ നിധിയെക്കുറിച്ചറിയാൻ സൂപ്പർ സ്റ്റീഷ്യൻ മലയിൽ പോയിരുന്നു. ആറുമാസത്തിനുശേഷം ആ മലകളിൽ പര്യടനം നടത്തിയ പുരാവസ്തു ഗവേഷകന്മാർ അദ്ദേഹത്തിന്റെ ചേതനയറ്റ തല ഒരു സ്ഥലത്തു കിടക്കുന്നതായി കണ്ടു. അര മൈൽ അകലെയായി ബാക്കി ഉടലും കാണപ്പെട്ടു. അയാൾ എപ്രകാരം മരണമടഞ്ഞു. എന്ന തിനെക്കുറിച്ചു ഇന്നും ആ ർക്കു മറിഞ്ഞു കൂടാ. ഇ താ യി രുന്നു ആ ലേഖനത്തിന്റെ ഉള്ളടക്കം.

കോട്ടയം പുഷ്പനാഥ് ഡ്രാക്കുളയെ കേന്ദ്ര കഥാപാത്രമാക്കിയും അമേരിക്കയെ പശ്ചാത്തലമാക്കിയം 1973 ൽ രചിച്ച കൃതിയാണ് ഡ്രാക്കുളയുടെ മകൾ.

വിധിനിയോഗങ്ങളുടെ അനന്തതയിലൂടെ നിരാലംബരായി സഞ്ചരിക്കേണ്ടിവരുന്ന കുറേ ആളുകളുടെ നാടകീയമായ ജീവിതമുഹൂര്‍ത്തങ്ങള്‍. പ്രവാസി ജീവിതത്തിന്റെ ഉള്‍ത്തുടിപ്പുകള്‍ ഹൃദയഹാരിയായി അവതരിപ്പിക്കുന്ന പുതുമയേറിയ നോവല്‍.

തിയോഫില്‍ ഗോത്തിയേ

‘മറ്റു സ്ത്രീകള്‍ തങ്ങള്‍ ഊട്ടുന്ന വിശപ്പിനെ ചെടിപ്പിക്കുന്നു. പക്ഷേ, ഇവര്‍ ഏറ്റവും കൂടുതല്‍ സംതൃപ്തി നല്കുമ്പോള്‍ ആര്‍ത്തി വര്‍ധിപ്പിക്കുന്നു. എന്തുകൊണ്ടെന്നാല്‍, ഏറ്റവും നിഷിദ്ധങ്ങളായ വസ്തുക്കള്‍പോലും അവരില്‍ സമഞ്ജസങ്ങളാകുന്നു. അതുകാരണം, അവര്‍ വ്യഭിചരിക്കുമ്പോള്‍ വിശുദ്ധന്മാരായ പുരോഹിതന്മാര്‍ അവരെ ആശീര്‍വദിച്ചുപോകുന്നു!’
-വില്യം ഷെയ്ക്‌സ്പിയര്‍

നാഗദന്തം മുലക്കണ്ണിലാഴ്ത്തിജ്ജീവ-
നാകം ദഹിപ്പിച്ച ഭോഗസമ്രാജ്ഞി
-ബാലചന്ദ്രന്‍ ചുള്ളിക്കാട്

ക്ലിയോപാട്രയോടൊപ്പം ഒരു നിമിഷമെങ്കില്‍ ഒരു നിമിഷം പ്രണയത്തിലേര്‍പ്പെടാന്‍ കൊതിച്ച മിയാമോന്‍ എന്നൊരു യുവാവിന്റെ ദുരന്തത്തിന്റെ കഥയാണ് ഇതെന്ന് കഥയുടെ ‘വണ്‍ലൈന്‍’ കേള്‍ക്കാന്‍ താത്പര്യമുള്ളവര്‍ക്കുവേണ്ടി പറയാം. ‘ഒരു രാജ്ഞിയെ പ്രേമിക്കുക എന്നാല്‍ വലിയ പൊല്ലാപ്പാണ്. ഒരു നക്ഷത്രത്തെ പ്രണയിക്കുന്നതുപോലെയാണത്’ എന്ന് ആ യുവാവിന്റെ ആത്മഗതവും ഇതില്‍ നമുക്കു വായിക്കാം.
-സുഭാഷ് ചന്ദ്രന്‍

പരിഭാഷ: സജയ് കെ.വി.

വി. ജയദേവ്

അരമണിക്കൂറിനുള്ളിൽ ജീവിതസമയം തീരുമെന്ന് തലച്ചോറിൽ ബയോളജിക്കൽ മെസേജ് ലഭിക്കുന്ന മാർട്ടീനോ. വിചാരങ്ങൾപോലും ഹാക്ക് ചെയ്യപ്പെടുന്ന അതിസാങ്കേതികലോകത്ത് ഹോളിന്യൂഡ് എന്ന ഗൂഢസംഘത്തിനുവേണ്ടി ജനിതകത്തോക്കുമായി ഇരുട്ടിൽ പതിയിരിക്കുന്ന ചാവേറുകൾ. വിശുദ്ധമായ നഗ്നതയെ അവഹേളിച്ചതിനാൽ ഹോളിന്യൂഡിന്റെ ഇരയാണു താനെന്നറിയാതെ ഫാഷൻഷോയുടെ റാമ്പിൽ ഉന്മാദമൂർച്ഛയിൽ ഉടൽ അഴിച്ചഴിച്ചുകളയുന്ന ഉടൽനർത്തകി റമീസിയ. സമയത്തെ ഊർജമാക്കി മാറ്റുന്ന വെർച്വൽ ആഭിചാരക്കാരായ ടൈം മാഫിയ. നിഗൂഢതകളുടെ ഇരുട്ടുകൊണ്ട് സ്ഥലകാലങ്ങളെ തകർത്തെറിയുന്ന ഡാർക് സിനഗ്. വിവിധ ഗാലക്സികളിലെ കുറ്റാന്വേഷണങ്ങളുടെ ചുക്കാൻപിടിക്കുന്ന ഇന്റർപോൾ എന്ന ഏജൻസിയുടെ ഷാഡോ ഡിറ്റക്ടീവ് ഇട്ടിമാത്തൻ. ഇങ്ങനെയിങ്ങനെ ഉടൽ എന്ന അതിസങ്കീർണമായ ഭൂമികയിലൂടെയും എല്ലാ സങ്കല്പങ്ങൾക്കുമപ്പുറമുള്ള വെർച്വൽ ലോകത്തിലൂടെയും പ്രണയവും പകയും പ്രതികാരവും രതിയും ഭാന്തുമെല്ലാം നിറഞ്ഞ മാരകമായ അന്വേഷണത്തിന്റെ ത്രസിപ്പിക്കുന്ന അനുഭവം.
മലയാളത്തിലെ ആദ്യത്തെ ഹൈബ്രിഡ് നോവൽ

സുനിൽ പരമേശ്വരൻ

കാലൻ കോഴികൾ നീട്ടി കൂവുന്ന ഇരുട്ട് ഉറയുന്ന രാവുകളിൽ പതിയിരിക്കുന്ന മരണങ്ങൾ… പ്രകൃതിയിൽ തണുത്ത കാറ്റ് വീശുമ്പോൾ ഉണരുന്ന ശത്രുക്കൾ… പ്രണയ മന്ത്രങ്ങളിലൂടെ തളച്ചിടുന്ന കാലത്തെയും യൗവനത്തെയും ഒറ്റ നിമിഷംകൊണ്ട് തട്ടി തെറിപ്പിക്കുന്ന പെണ്ണിന്റെ അഗ്നിശാപം… പെണ്ണ് നശിച്ചാൽ കുലം നശിക്കും. കുലം നശിച്ചാൽ സമുഹം നശിക്കും… സമൂഹം നശിച്ചാൽ ദേശം നശിക്കും… കനൽ പോലെ എരിയുകയാണ് ഇപ്പോൾ ഈ ഭൂമിക.