Malabarile Mappilamar

മലബാറിലെ
മാപ്പിളമാര്‍

ഡോ.എസ്.എം. മുഹമ്മദ് കോയ

പരിഭാഷ: ലക്ഷ്മി നന്ദകുമാര്‍

1984ലാണ് ഡോ. എസ്.എം. മുഹമ്മദ് കോയയുടെ മാപ്പിളാസ് ഓഫ് മലബാര്‍ ഇംഗ്ലീഷില്‍ പ്രസിദ്ധീകരിക്കുന്നത്. ഈ ഗ്രന്ഥത്തിന്റെ വിവര്‍ത്തനമാണ് ഇപ്പോള്‍ പ്രസിദ്ധീകരിക്കുന്നത്. മുപ്പത്തഞ്ചുകൊല്ലത്തിനു ശേഷവും ഈ ചരിത്രകൃതിക്ക് കേരള ചരിത്രത്തില്‍ പ്രാധാന്യമുണ്ട്. റൊണാള്‍ഡ് ഇ. മില്ലര്‍, ഫ്രെഡറിക് ഡെയില്‍, കാത്തലിന്‍ ഗഫ്, കെ.വി. കൃഷ്ണയ്യര്‍, ഡോ. എം.ജി. എസ്. നാരായണന്‍, ഡോ. കെ.എം. പണിക്കര്‍ തുടങ്ങിയവരുടെ ഗ്രന്ഥങ്ങള്‍ക്കിടയില്‍ ഡോ. എസ്.എം. മുഹമ്മദ് കോയയുടെ മലബാറിലെ മാപ്പിളമാര്‍ക്ക് ചരിത്രപരമായ പ്രാധാന്യമുണ്ട്. മലബാറിലെ മാപ്പിളമുസ്ലിങ്ങളുടെ ചരിത്രത്തിലെ നിര്‍ണായകമായ ഘടകങ്ങളെ സസൂക്ഷ്മം വിശകലനം ചെയ്യുന്നുണ്ട് എന്നതാണ് ഈ ഗ്രന്ഥത്തിന്റെ പ്രസക്തി വര്‍ധിപ്പിക്കുന്നത്. ചരിത്രവും സമൂഹശാസ്ത്രവും സംയോജിപ്പിച്ചു നടത്തിയ ഈ പഠനഗ്രന്ഥം മാപ്പിള മുസ്ലിങ്ങളുടെ ജീവിതത്തിന്റെ സവിശേഷഘടകങ്ങളെ അപഗ്രഥിക്കുന്നുമുണ്ട്. മലബാറിലെ മാപ്പിള മുസ്ലിങ്ങളുടെ ഉദ്ഭവ വികാസങ്ങള്‍ ഒരു സാധാരണവായനക്കാരനും പിന്തുടരുന്നതില്‍ ഈ ഗ്രന്ഥം സഹായിക്കുമെന്നതില്‍ സംശയമില്ല. – അവതാരികയില്‍ ഡോ. എന്‍.പി. ഹാഫിസ് മുഹമ്മദ്