ജയന്ത് കാമിച്ചേരിയുടെ കഥകളുടെ ലോകം കുട്ടനാട്ടിലെ ലോകപ്രശസ്ത വിനോദസഞ്ചാരകേന്ദ്രമായ കുമരകമാണ് – അതിന്റെ ശുദ്ധഗ്രാമീണമായ ഉള്ളറകള്‍. അവിടത്തെ സരസരും രസികരുമായ നാടന്‍ മനുഷ്യരാണ് ഈ കഥകളിലെ ആരെയും കൂസാത്ത കഥാപാത്രങ്ങള്‍. അവരുടെ ചെറിയ ലോകത്തിലെ കൊച്ചു കൊച്ചു ഭൂമികുലുക്കങ്ങളുടെ ചരിതങ്ങളാണ് ജീവിതത്തില്‍ നിന്ന് നേരിട്ട് പകര്‍ത്തിയ നാടന്‍ ഭാഷയില്‍ ജയന്ത് അവതരിപ്പിക്കുന്നത്. ബ്വാനയും വികാരിയച്ചനും പുഷ്‌ക്കരനും പാപ്പനും ഉപ്പിയും ഗ്രേസിയുമെല്ലാം നമ്മെ പുഞ്ചിരിപ്പിക്കുകയും സന്തോഷിപ്പിക്കുകയും ചെയ്യുന്നു. ഒറ്റയിരിപ്പിന് നമ്മെ വായിപ്പിക്കുന്ന ഒരു കുട്ടനാടന്‍ കഥാസരിത് സാഗരമാണ് ഈ ചെറു ഗ്രന്ഥം.
സക്കറിയ.
